اسلام آباد (یواےای اردو) ابوظہبی کے ولی عہد شیخ محمد بن زید النہیان پاکستان کے مختصر دورے کے بعد واپس روانہ ہوگئے ہیں۔
ان کے مختصر دورے کے دوران وزیراعظم عمران خان اور شیخ محمد بن زید النہیان کے درمیان ون آن ون ملاقات ہوئی جس میں باہمی دلچسپی کے امور پر تبادلہ خیال کیا گیا۔
اس موقع پر وزیراعظم عمران خان اور شیخ محمد بن زید کی سربراہی میں یو اے ای اور پاکستان کے درمیان وفد کی سطح پر مذاکرات بھی ہوئے۔
شیخ محمد بن زید النہیان نورخان ائیر بیس سے واپس روانہ ہوئے جہاں وفاقی وزراءاور اعلیٰ حکام نے انہیں الوداع کیا جبکہ معزز مہمان کو پرنسپل انفارمیشن افسر میاں جہانگیر نے دورے کا البم بھی پیش کیا۔
