A Passenger at Dubai Airport

ایئر بلیو کے ذریعے لاہور سے دبئی پہنچنے والے اختر علی، جانئے انہیں کن مراحل سے گزرنا پڑا

دبئی ( یو اے ای اردو – 22 اگست 2021 – ارشد فاروق بٹ) اختر علی گزشتہ روز نجی پاکستانی ایئرلائن ایئربلیو کے ذریعے لاہور سے دبئی پہنچے ہیں. یو اے ای اردو نے ان کے سامنے قارئین کے سوالات رکھے ہیں. آئیے جانتے ہیں ان کا سفری تجربہ کیسا رہا اور کونسے مراحل طے کرنا پڑے.

1. جنرل ڈائریکٹوریٹ آف ریذیڈنسی اینڈ فارنرز افیئرز (جی ڈی آر ایف اے) سے منظوری
دبئی حکومت کی جانب سے ویزوں میں توسیع اور پروازوں کی بحالی کے بعد سب سے پہلے میں نے جنرل ڈائریکٹوریٹ آف ریذیڈنسی اینڈ فارنرز افیئرز (جی ڈی آر ایف اے) میں منظوری کے لیے اپلائی کیا. اپلائی کرنے کے پانچ روز بعد مجھے اپروول مل گئی.

2. متحدہ عرب امارات میں ویکسین سے متعلق
گزشتہ قیام کے دوران میں نے دبئی میں ہی ویکسین کی دونوں ڈوز لگوائی تھیں. تاہم دبئی سفر کے دوران مجھے نہ تو ویکسینیشن سرٹیفکیٹ کی ضرورت پڑی اور نہ ہی یو اے ای یا پاکستان میں ویکسینیشن سے متعلق سوال ہوا. نان ویکسینیٹڈ بھی دبئی انٹری کے اہل ہیں. صرف پی سی آر ٹیسٹ رپورٹ نیگیٹو ہونی چاہیے. اگر آپ کو ویکسین کی دونوں ڈوز لگی ہوں اور پی سی آر ٹیسٹ پوزیٹو آ جائے تب بھی آپ ٹریول نہیں کر سکتے.

3. پی سی آر ٹیسٹ کہاں سے کرایا؟
رونگی سے 48 گھنٹوں کے دوران میں نے اسلام آباد ڈائیگناسٹک سنٹر لاہور سے پی سی آر ٹیسٹ کرایا جو نیگیٹو آیا. اس کی فیس 6500 روپے ہے.

دوسرا ریپڈ ٹیسٹ ایئرپورٹ کے اندر ہوا جس کے لیے مجھ سے 5000 روپے چارج کیے گئے. اس کا رزلٹ ٹیسٹ کے دو گھنٹے بعد مجھے مل گیا. تاہم بہتر یہی ہے کہ 6 گھنٹے قبل ایئرپورٹ پہنچیں.

تیسرا پی سی آر ٹیسٹ دبئی پہنچنے پہ ہوا. یہ دبئی حکومت کی جانب سے فری سروس ہے اور اس کے کوئی چارجز مسافر سے نہیں لیے جاتے. پی سی آر ٹیسٹ کے بعد آپ ایئرپورٹ سے باہر جہاں جانا چاہیں جا سکتے ہیں. مجھے ٹیسٹ رزلٹ 4 گھنٹے بعد مل گیا تھا.

4. لاہور سے دبئی ٹکٹ کب بک کیا اور کتنے کا ملا؟
میں نے 18 اگست کو ایئربلیو کا ٹکٹ لیا اور یہ مجھے 73110 روپے کا ملا. سرین ایئرلائن 68000 میں لاہور سے دبئی ٹکٹ دے رہی ہے، باقی ایئرلائنز کے ٹکٹ بھی ان کی ویب سائٹس پر چیک کیے جاسکتے ہیں.

5. کیا مسافروں کو دبئی ایئرپورٹ پر قرنطینہ کیا جاتا ہے؟
دبئی پہنچنے پر مسافروں کا پی سی آر ٹیسٹ کیا جاتا ہے، تاہم دبئی آنے والے مسافروں کے لیے قرنطینہ کی کوئی شرط نہیں ہے. پی سی آر ٹیسٹ کے بعد آپ ایئرپورٹ سے باہر جا سکتے ہیں. اور ٹیسٹ رپورٹ گھر پہنچا دی جاتی ہے. اگر یہ پازیٹیو آ جائے تو جس گھر میں آپ ہوں وہیں قرنطینہ کر دیا جاتا ہے.

ایڈیٹر ارشد فاروق

ارشد فاروق
ارشد فاروق بٹ کالم نگار اور بلاگر ہیں۔ یو اے ای اردو ویب سائٹ پر آپ ویزہ گائیڈ اور اردو نیوز کی کیٹیگری اپڈیٹ کرتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے