UAE residence visa FAQs

چھ ماہ سے پاکستان میں مقیم یواےای اقامتی ویزہ ہولڈرز کے لیے کیا پالیسی ہو گی؟

دبئی ( یو اے ای اردو – 15 جولائی 2021 – ارشد فاروق بٹ) متحدہ عرب امارات کی جانب سے پاکستان پر لگائی جانے والی سفری پابندیوں سے یو اے ای کے اقامتی ویزہ ہولڈرز سخت پریشانی کا شکار ہیں۔ کچھ سوالات ایسے ہیں جن کا یو اے ای حکومت کو جواب دینا چاہئے لیکن مسلسل یاد دہانیوں کے باوجود دوسری طرف خاموشی ہے۔

ایئر لائنز کے پاس سوالوں کا سیلاب ہے لیکن یو اے ای حکومت کی طرف سے کوئی واضح ہدایت نہ ہونے کے باعث مختلف ایئر لائنز سفری پابندیوں میں مسلسل توسیع کرتی چلی آ رہی ہیں۔

انہی سوالوں میں ایک سوال یہ ہے کہ ایسے پاکستانی مسافر جن کے پاس یو اے ای کا ویزہ ہے اور انہیں پاکستان میں پھنسے 6 ماہ سے زائد ہو گئے ہیں وہ فلائٹس اوپن ہونے پر دبئی کا سفر کر سکتے ہیں یا نہیں؟

اس سے قبل متحدہ عرب امارات کا قانون یہ کہتا ہے کہ اگر ایک ویزہ ہولڈر چھ ماہ سے زائد امارات سے باہر رہتا ہے تو اس کا ویزہ کینسل کر دیا جاتا ہے۔ اور وہ اس ویزہ پر امارات کا سفر نہیں کر سکتا۔

حال ہی میں دبئی کے ایسے تارکین وطن ، جو کوویڈ 19 سفری پابندیوں کے دوران یو اے ای سے باہر پھنسے ہوئے تھے ، ان کے رہائشی ویزوں میں 9 دسمبر 2021 تک توسیع دی گئی ہے۔

ویزوں میں یہ خودکار توسیع صرف دبئی کے رہائشی ویزا رکھنے والوں کو دی گئی ہے۔ ایسے تارکین وطن جو متحدہ عرب امارات سے چھ ماہ سے زائد عرصے تک باہر رہے ہیں وہ بھی واپس آ سکتے ہیں۔ دیگر امارات یعنی ابوظہبی، شارجہ وغیرہ کے ویزہ ہولڈرز کے لیے ہدایات ابھی واضح نہیں ہیں. تاہم انہیں بھی واپس آنے کی اجازت دی جا رہی ہے.

ہمارے فیس بک پیج پر موجود ایک قاری جن کے پاس ابوظہبی کا ویزہ تھا اور ان کو یو اے ای میں ویکسین لگی تھی اور ان کو پاکستان میں پھنسے چھ ماہ سے زائد ہو گئے تھے. انہوں نے پوچھا تھا کہ اب وہ واپس جا سکتے ہیں یا نہیں.

ان کی مدد کے لیے ہم نے سب سے پہلے ان کا ویزہ سٹیٹس چیک کیا جو کہ Valid تھا. ہم نے آئی سی اے سے پری انٹری اپروول لی جس کے بعد ان کا سٹیٹس گرین آ گیا. اب وہ 22 اگست کو ابوظہبی واپس جا رہے ہیں.

Dubai pre entry approval

وبائی مرض کرونا کے باعث خصوصی حالات میں متحدہ عرب امارات نے سال 2020 میں ایسے پاکستانیوں کو امارات کے سفر کی اجازت دے دی تھی جن کو پاکستان میں رہتے چھ ماہ سے زائد ہو گئے تھے۔ اس لیے اقامتی ویزہ ہولڈرز کو امید رکھنی چاہئے کہ سال 2021 میں بھی یو اے ای حکومت تمام امارات کے ویزہ ہولڈرز کو اجازت دے دے گی۔

یہ اور اس سے ملتے جلتے سوالات مختلف ایئر لائنز کے پاس تو پہنچ رہے ہیں لیکن یو اے ای حکومت اس بارے میں کوئی واضح ہدایت جاری نہیں کر رہی۔

ایڈیٹر ارشد فاروق

ارشد فاروق
ارشد فاروق بٹ کالم نگار اور بلاگر ہیں۔ یو اے ای اردو ویب سائٹ پر آپ ویزہ گائیڈ اور اردو نیوز کی کیٹیگری اپڈیٹ کرتے ہیں۔

3 comments

  1. Avatar

    السلام علیکم میرے محترم بھائی دعا گو ہوں آپ خیریت سے ہوں برائے مہربانی میری رہنمائی کیجئے میرا ویزا دوبئی کا ہے اور میں پاکستان میں ایک سال چھ مہینے سے پھنسا ہوا ہوں اب میری اپروول بھی آگئی ہے اور میرا ویزا 11 ستمبر تک ایکٹیو ہے تو کیا میں دبئی واپس آ سکتا ہوں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے