His Highness Sheikh Zayed bin Sultan Al Nahyan

پاکستان ایسوسی ایشن دبئی کا زاید ہیومینیٹیرین ڈے کے موقع پر پیغام

دبئی ( یو اے ای اردو – ارشد فاروق بٹ ) متحدہ عرب امارات میں پاکستانیوں کی نمائندہ تنظیم پاکستان ایسوس ایشن دبئی نے زاید ہیومینیٹیرن ڈے کے موقع پر تہنیتی پیغام جاری کیا ہے.

پاکستان ایسوسی ایشن دبئی کی جانب سے جاری پیغام میں کہا گیا ہے کہ اس موقع پر ہم عزت مآب مرحوم شیخ زاید بن سلطان النہیان کو یاد کرتے ہیں. آپ حقیقی انسان دوست کا بہترین نمونہ تھے.

شیخ زاید نے پاکستان اور متحدہ عرب امارات کے درمیان بھائی چارے کے مضبوط تعلقات کی بنیاد اپنی قیادت میں کئی انسانی ہمدردی کے منصوبوں کے قیام کے ساتھ رکھی.

ہمیں اس ملک کا حصہ ہونے پر فخر ہے جس کی قیادت بصیرت والے رہنما کرتے ہیں، اتحاد اور یکجہتی کی اقدار کی پیروی کرتے ہیں جو شیخ زاید نے پیدا کی تھی۔ پاکستانی کمیونٹی امارات کے بانی مرحوم کے وژن کو خراج تحسین پیش کرتی ہے.

اس موقع پر پاکستان ایسوس ایشن دبئی نے عزت مآب مرحوم شیخ زاید بن سلطان النہیان کی پاکستان کے لیے خدمات پر ایک ویڈیو بھی جاری کی ہے.

ایڈیٹر ارشد فاروق

ارشد فاروق
ارشد فاروق بٹ کالم نگار اور بلاگر ہیں۔ یو اے ای اردو ویب سائٹ پر آپ ویزہ گائیڈ اور اردو نیوز کی کیٹیگری اپڈیٹ کرتے ہیں۔

جواب دیں

آپ کا ای میل ایڈریس شائع نہیں کیا جائے گا۔